I penduari i grabitjes në Rinas “hap sërish barkun”: Kështu e modifikuam makinën - Bota Sot
I penduari i grabitjes në Rinas “hap sërish barkun”: Kështu e modifikuam makinën

Shqipëria

I penduari i grabitjes në Rinas “hap sërish barkun”: Kështu e modifikuam makinën

Më: 17 korrik 2019 Në ora: 23:32
Grabitja në Rinas

Alkond Bengasi,është një prej grabitësve të Rinasit i cili është marrë sërish në pyetje ku ka treguar përpara grupit hetimor emrat e të përfshirëve në grabitjen e Rinasit. Mësohet se Bengasi është marrë në pyetje për një orë pasditen e sotme dhe është pyetur në lidhje me detaje të reja rreth grabitjes së Rinasit.

Me anë të këtyre pyetësorëve, Prokuroria kërkon të dijë vendndodhjen e parave të grabitura. Bengasi ka treguar se ka qenë prezent në bisedën mes trurit të grabitjes që mbeti i vdekur po atë ditë, pas përplasjes me armë zjarri me policinë, Admir Muratajt dhe Oltjon Veselit.

Ai ka rrëfyer gjithashtu gjithçka që ka parë herët që ka qenë prezent në takimet mes Muratajt dhe Ragip Haxhiajdinit, i njohur si ndryshe si “Daja”, i cili është me origjinë nga Kosova.

Alkond Bengasi mësohet të ketë treguar edhe mënyrën se si furgoni i bardhë u modifikua në një makinë të Hetimit Tatimor, që të futej në aeroport pa rënë aspak në sy.

Alkond Bengasi është kushëriri i Klement Calës, të kërkuarit kryesor për grabitjen në Rinas. Bengasi u prangos më 22 prill bashkë me 3 të arrestuarit e tjerë Saimir Cela, Oltjon Veseli dhe Renaldo Sula.

Bengasi pranoi një ditë pas arrestimit të bëhej bashkëpunëtor i drejtësië duke treguar të gjithë dinamikën që ndodhi në grabitjen spektakolare në Rinas, ku u morën rreth 6.7 milionë euro.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...