Nga Ministria e Arsimit tek Ministria e Brendshme, ja emërimi i ri - Bota Sot
Nga Ministria e Arsimit tek Ministria e Brendshme, ja emërimi i ri

Shqipëria

Nga Ministria e Arsimit tek Ministria e Brendshme, ja emërimi i ri

Më: 18 korrik 2019 Në ora: 12:46
Sandër Lleshaj

Plarent Ndreca emërohet Sekretar i Përgjithshëm i Ministrisë së Brendshme. Ai zëvendëson në këtë detyrë Dritan Palnikaj, i cili është emëruar në një detyrë të re, në kabinetin e Kryeministrit.

Prezantimi i z. Ndreca është bërë në ambientet e Ministrisë së Brendshme në një ceremoni, ku mori pjesë ministri i Brendshëm Sandër Lleshaj, trupa e lartë drejtuese e MB-së dhe institucioneve të varësisë.

"Ministri Lleshaj ka vlerësuar punën dhe kontributin e z. Palnikaj në pozicionin e Sekretarit të Përgjithshëm dhe është shprehur i bindur se z. Ndreca do të sjellë impulse të reja në drejtimin e administratës së Ministrinë e Brendshme, falë eksperiencës së deritanishme" informon ministria e Brendshme. 

Më herët Plarent Ndreca, i diplomuar si jurist, ka mbajtur postin e Sekretarit të Përgjithshëm të Ministrisë së Arsimit, Rinisë dhe Sporteve, si dhe Sekretarit të Përgjithshëm në Ministrinë e Mjedisit dhe Turizmit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...