Aleanca për Mbrotjen e Teatrit është duke zhvilluar një dëgjesë me përfaqësues të Partisë Demokratike.
Në këtë aktivitet fjalën e ka marrë sekretari i PD për Çështjet Ligjore, Çlirim Gjata, i cili u shpreh se po të ishin hapur dosjet e përgjimeve më 30 qershor mund të kishim zgjedhje
Gjata: Nuk ka më shtet ligjor. Po të ishin hapur dosjet e përgjimeve më 30 qershor mund të kishim zgjedhje. Po të kishte bërë prokuroria punën e vetë nuk do të ishim këtu. Po për ligjin e teatrit, sa shkelje kemi zbuluar. Uji çon mullirin në paratë e pista. Kemi shtet të një njeriu tani. Ai mbështetet te krimi, te oligarkët. Rrallë del një gjyqtar kurajoz.
Ndërsa aktori Robert Budina u shpreh se qeveria po nxiton për shembjen e Teatrit Kombëtar.
Budina: Qeveria po nxiton për të realizuar shembjen e teatrit. Po bëjnë gjëra që s’kanë me logjikë. Kemi qenë gjithë natën, do e monitorojmë. Sot në mëngjes erdhën për të tërhequr disa materiale, i kërkuam lejen, por nuk e kishin. Kishin ndërmend të tërhiqnin dhe gjëra të tjera, por u tërhoqën nga ky vendim. Deri tani nuk ka asnjë urdhër, por kanë proceduar për materialet. Parmbrëmë ka qenë plani për të sjellë kamionët dhe për ti hequr gjitha materialet.