Meta mesazh Bashës: Pa zgjedhje nuk ka ndëshkim për politikanët - Bota Sot
Meta mesazh Bashës: Pa zgjedhje nuk ka ndëshkim për politikanët

Shqipëria

Meta mesazh Bashës: Pa zgjedhje nuk ka ndëshkim për politikanët

Më: 6 gusht 2019 Në ora: 12:07
Ilir Meta

Për Presidentin e Shqipërisë Ilir Meta, nuk ka pushime.

Aktualiteti politik ka qenë në fokus edhe të postimit të sotëm të tij në faqen zyrtare në Facebook.

Kreu i Shtetit shqiptar nënvizon se e vetmja zgjidhje për krizën politike në vend janë zgjedhjet.

E teksa në limitet e afateve një ditë më parë të vetmet që u regjistruan në KQZ për zgjedhjet lokale të 13 tetorit ishin Partia Lëvizja Socialiste për Integrim, Partia Republikane dhe Partia Agrare Ambjentaliste, Presidenti ka edhe një mesazh për kreun e PD-së Basha, i cili nuk u regjistrua për zgjedhjet dhe vazhdon të insistojë se zgjidhja e krizës kalon nga prangat për politikanët hajdutë.

“Pa zgjedhje nuk ka demokraci. Pa demokraci nuk ka drejtësi të pavarur. Pa të dyja së bashku nuk ka të drejta dhe ekonomi për të gjithë shqiptarët. Dhe as ndëshkim për politikanët” thotë Meta.

Presidenti shton se moszgjidhja i shërben vetëm pakicës që nuk njeh rotacion dhe nuk e do çeljen e negociatave të Shqipërisë me Bashkimin Europian, pasi ka për të humbur gradualisht pushtetin e paligjshëm politik, ekonomik dhe mediatik.

“18 tetori po afron” kujton Meta.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...