Gazetari i RTV Ora, Trazhgim Sokolaj tha se në Krujë është shpallur në kërkim për kultivim kanabisi, vëllai i një deputeti.
Sipas Sokolajt, Kruja është zona me problematike për kultivim kanabisi.
Sokolaj: Në Krujë pothuajse çdo ditë gjatë muajit qershor ka pasur sekuestrim të parcelave me droge, ka pasur referime të policisë. Më rezulton që aktualisht është një nga zonat më problematike për rikthimin e këtij fenomeni.
Në rastin e Krujës është një person i akuzuar për kultivim, kryetari i fshatit, kryetari i njësisë administrative që janë të shpallur në kërkim për një rast me 850 bime rrënjë kanabis. Ka dhe persona me lidhje politike, po në Krujë është shpallur në kërkim vëllai i një deputeti për kultivim të parcelave me kanabis. Të dhënat jo zyrtare që më vijnë nga terreni janë që ka sekuestrime në sasi të vogla, por që janë sekuestrime të përditshme, që nga policia nuk raportohen.
