Braimllari: Valdrin Pjetri filozofia e Rilindjes, të tjerë emra do të dalin - Bota Sot
Braimllari: Valdrin Pjetri filozofia e Rilindjes, të tjerë emra do të dalin

Shqipëria

Braimllari: Valdrin Pjetri filozofia e Rilindjes, të tjerë emra do të dalin

Më: 14 gusht 2019 Në ora: 23:16
Endrit Braimllari

Sekretari i Përgjithshëm i LSI, Endrit Braimllari paralajmëroi se përveç Valdrin Pjetrit do të dalin emra të tjerë, që janë të lidhur me struktura kriminale.

Në studion e lajmeve në RTV Ora, Braimllari tha se rasti i kryebashkiakut të ri të Shkodrës është i përsëritur. Ai u shpreh se Valdrin Pjetri është filozofia e Rilindjes.

Endrit Braimllari: Nuk kemi dyshime që Edi Rama nuk kërkon që Shqipëria të integrohet në BE, sepse nëse ndodh ky proces nuk do ketë kandidatë si Valdrin Pjetri. I është përmendur shumë emri Vladrin Pjetrit për kandidaturën si kryetar bashkie në Shkodër, por ajo është filozofia e Rilindjes. Nuk është vetëm ai, ka edhe të tjerë që në ditët në vazhdim do të dalin, të cilët përfaqësojnë strukturat kriminale, të cilët komunikojnë në telefon me krimin e organizuar.

Sa përket dekretit të Presidentit për 13 tetorin, Braimllari shprehu bindjen se në këtë datë do të jenë zgjedhjet lokale. Ai tha se aksioni opozitar do të bëhet publik në javët e para të muajit shtator.

Endrit Braimllari: Ne kemi një datë kushtetuese që është 13 tetori. Unë vazhdoj të mendoj dhe kam bindjen se në 13 tetor do jenë zgjedhjet lokale dhe KQZ do reflektojë. Sepse përgjegjësia penale mbi këta 4 persona që janë pjesë e KQZ do të jetë mjaft e rëndë. Po pengojnë jo vetëm të drejtën për të marrë pjesë në zgjedhje, të drejtën për të regjistruar partitë politike, por po shkatërrojnë demokracinë në vend. Opozita ka të qartë agjendën e saj dhe agjenda e opozitës do të jetë e qartë për opinionin publik javët e para të muajit shtator.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...