Aksion blic në Elbasan për arrestimin e personave të rrezikshëm, 10 të shoqëruar - Bota Sot
Aksion blic në Elbasan për arrestimin e personave të rrezikshëm, 10 të shoqëruar

Shqipëria

Aksion blic në Elbasan për arrestimin e personave të rrezikshëm, 10 të shoqëruar

Më: 16 gusht 2019 Në ora: 16:05
Aksion blic në Elbasan

Një ditë pasi Ministri i Brendshëm Sandër Lleshaj thirri në takim drejtuesit vendor e qendror në Policinë e Shtetit, disa prej të cilëve morën edhe kritika të ashpra pas ngjarjeve të fundit kriminale në vend, se uniformat blu u vunë në lëvizje.

Burime zyrtare pranë policisë konfirmojnë për Report se që prej mbrëmjes së djeshme, forca të shumta policie blinduan Elbasanin, duke ndërmarrë kështu një operacion për arrestimin e disa personave të cilësuar si me rrezikshmëri të lartë në këtë zonë.

Kontrolle u ushtruan edhe në periferi të Elbasanit, si edhe në disa banesa të tjera në zonë. Aksioni i policisë nisi për arrestimin e disa personave të skeduar nga policia, e që dyshohen se janë bashkëpunëtorë me Ylber Ademin, kosovarin që pak ditë më par u kap në Papër të Elbasanit me 19 pistoleta e 1.6 kg tritol të marra së Servi e të trafikuara drejt vendit tonë.

Operacioni e kishte pikënisjen me kontrollin në një lokal në zonën e Pajovës, vend ku policia dyshonte se mund të strehoheshin personat e kërkuar.

Gjatë operacionit, i cili vijoi deri në orët e para të mëngjesit të kësaj të premte u shoqëruan mbi 10 persona, por asnjëri prej të shumëkërkuarve nuk përfundoi në pranga.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...