Pastrimi i Sarandës, mbetjet gjatë sezonit turistik janë pesëfishuar - Bota Sot
Pastrimi i Sarandës, mbetjet gjatë sezonit turistik janë pesëfishuar

Shqipëria

Pastrimi i Sarandës, mbetjet gjatë sezonit turistik janë pesëfishuar

Më: 17 gusht 2019 Në ora: 13:43
Sarandë

Në Sarandë mbetjet gjatë sezonit turistik janë 5-fishuar ndërsa kapacitetet për të përballuar situatën janë të kufizuara. Kreu i ri i bashkisë Ardian Gurma mori pjesë në një aksion pastrimi përgjatë shëtitores kryesore në Sarandë. Ai tha se pastrimi i qytetit dhe rrethinave do të jetë intensiv përgjatë verës ndërsa ka ftuar bizneset, qytetarët dhe pushuesit të respektojnë vendet e hedhjes së mbeturinave.

Në të gjithë territorin e bashkisë së Sarandës grumbullohen dhe asgjësohen në landfillin e Bajkajt çdo vit rreth 9,5 mijë ton mbetje që vijnë nga qytetet e Sarandës, Ksamilit dhe 5 fshatrat përreth. 2 mijë ton mbetje voluminoze dhe interte depozitohen në shesh grumbullimin e Volloderit në hyrje të rrugës bregdetare.

Bashkia e Sarandës paguan një kosto prej 15 dollar për ton për trajtimin e mbetjeve, ndërsa gati 1/5 e mbetjeve në të gjithë bashkinë nuk arrijnë të grumbullohen. Bashkia e re ka folur për një sistem të ri të menaxhimit të situatës që do të fillojë të funksionojë së shpejti.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...