PD tregon një datë dhe pyet Ramën e Ballukun: Çfarë lidhje ka 14 Janar 2003 me kandidatin e tyre në Vorë?

Shqipëria

PD tregon një datë dhe pyet Ramën e Ballukun: Çfarë lidhje ka 14 Janar 2003 me kandidatin e tyre në Vorë?

Më: 24 gusht 2019 Në ora: 16:53
Gazment Bardhi

Partia Demokratike po ndjek për Agim Kajmakun, kryebashkiak i Vorës, të njëjtën strategji denoncimi si me Valdrin Pjetrin, ish-kandidati i Shkodrës që u tërhoq nga marrja e detyrës si kryebashkiak. Pasi kanë denoncuar publikisht Kajmakun se është subjekt i ligjit të dekriminalizimit, demokratët kanë përmendur sot një datë, 14 Janar 2003, që, sipas tyre, lidhet me kryebashkiakun e Vorës dhe të kaluarën e tij në Greqi.

“Ajo që vlen për shqiptarët është përgjigja që duhet të japin Edi Rama (kryeministër) dhe Belinda Balluku (ministre e Transportit) për mikun e tyre të Vorës me të kaluar kriminale. 1. Çfarë lidhje ka data 14 Janar 2003 me kandidatin e tyre në Vorë? 2. Pse kandidati i tyre i Vorës nuk ka shkuar në Greqi prej vitit 2003 dhe pse menjëherë pas këtij viti ndryshoi gjeneralitetet në Shqipëri? 3. Çfarë lidhje ka kandidati i tyre në Vorë me shtetasin me identitetin e rreme “Jorgo Toto, me atësi Thanas dhe amësi Parascevi?”, shkruan Gazment Bardhi, Sekretar i Përgjithshëm i PD-së.

Në rastin e Valdrin Pjetrit, dy ditë pasi Bardhi përmendi datën e dënimit në Itali, publikoi edhe dokumentet që konfirmonin akuzën.

Sa i përket Agim Kajmakut, Bardhi thotë se kryebashkiaku i Vorës “ka një dosje të hapur penale në Greqi me emrin Jorgo Toto.”

Reagimi i Gazment Bardhit

Edi Rama dhe Belinda Balluku bëjnë sikur nuk e kanë dëgjuar të vërtetën e zbuluar nga Partia Demokratike se kandidati i tyre për Vorën Agim Kajmaku ka një dosje të hapur penale në Greqi me emrin Jorgo Toto.

Edi Rama nuk mund të bëjë sikur nuk dëgjon, sikur nuk shikon, sikur nuk flet! Strategjia e tij e mbrojtjes për çdo kriminel që fut në politikë, është e dështuar!

Edi Rama kontrollon të gjithë strukturat e shtetit dhe mund të verifikojë informacionet mbi të kaluarën kriminale të çdo personi brenda 1 ore. E ka bërë ketë edhe në rastin e Agim Kajmakut të Vorës, prandaj fshihet pas heshtjes. Bashkë me Belindën e tij, me të cilën shpërfillën socialistët e Vorës, bëjnë sikur nuk ka ndodhur asgjë, me shpresën se do fitojë kohë dhe do të përdorë “katicat” në prokurorinë e kontrolluar prej tij për të fshehur të vërtetën.

Janë Edi Rama dhe Belinda Balluku ata që detyruan Agim Kajmakun të të mashtrojë për të mbuluar të kaluarën e tij kriminale në Greqi. Njëlloj siç bëri edhe Valdrin Pjetri për të fshehur dënimin për trafik droge, edhe Agim Kajmaku i Vorës, publikoi dëshminë e penalitetit si çertifikatë virgjërie. Ky dokument nuk ka asnjë vlerë, sepse nuk provon që një person nuk ka probleme me drejtësinë greke.

Ajo që vlen për shqiptarët është përgjigja që duhet të japin Edi Rama dhe Belinda Balluku për mikun e tyre të Vorës me të kaluar kriminale.

1.Çfarë lidhje ka data 14 Janar 2003 me kandidatin e tyre në Vorë?

2.Pse kandidati i tyre i Vorës nuk ka shkuar në Greqi prej vitit 2003 dhe pse menjëherë pas këtij viti ndryshoi gjeneralitetet në Shqipëri?

3.Çfarë lidhje ka kandidati i tyre në Vorë me shtetasin me identitetin e rreme “Jorgo Toto, me atësi Thanas dhe amësi Parascevi”?

Duke e mbuluar me heshtje krimin e kandidimit të një tjetër krimineli, Edi Rama nuk ka për ta mbuluar dot të vërtetën, të cilën shqiptarët kanë për ta mësuar shumë shpejt!

Skenari ku Edi Rama bën të paditurin, është i diskretituar para shqiptarëve në dhjetëra rastët, kur ai është kapur në flagrancë, duke bashkëpunuar me krimin.

Edi Rama kandidon kriminelë dhe e përdor krimin për të vjedhur zgjedhjet, sepse me krimin ai mund të pasurohet më lehtë dhe më shpejt. Prandaj, Shqipëria ka nevojë jetike të pastrohet nga krimi dhe korrupsioni i Edi Ramës dhe bandës së tij në bashki dhe qeveri.

commentFirst article
Sot mund të lexoni Shfletoni kopertinat