Policia dhe prokuroria nuk kanë ende një person të dyshuar si autor të vrasjes së 26 vjecarit Santiago Malkos.
Nga ngjarja e cila ndodhi mbremjen e së martës rreth ores 22.20 minuta në nje rruge te populluar afer Xhamllkut kanë mbetur vetëm gjurmët e atentatit.
Viktima mësohet se është qëllluar nga një automjet Benz ngjyre gri ku kanë qëne dy autorët e maskuar me kapucë.
Sipas deshmitarëve njeri prej tyre ka qëlluar me breshëri automatiku ne drejtim te mjetit të 26 vjeçarit sapo ky i fundit doli nga lavazhi.
Në pak sekonda viktima ka humbur kontrollin dhe mjeti është përplasur me murin e kompanisë aleat ndërkohë që në morinë e shumtë të plumbave, dy kanë qënë vdekjeprures për të riun duke e kapur ne organet jetesore.
Viktima Santiago Malkaj, ka qenë efektiv policie për pak muaj ndërsa ishte larguar nga radhët e uniformave blu 5 vite me parë .
Në polici ka shërbyer edhe bashkëshortja e tij edhe kjo e larguar ne vitin 2016.
Pas atentatit policia ka shoqëruar disa persona të cilët pasi janë marre ne pyetje dhe më pas janë lënë të lire.
Ne sitë për hetuesit është e kaluara e 26 vjeçarit i cili mësohet se ka qënë i përfshire në disa ngjarje, një prej te cilave e ndodhur ne ish bllok vitin e kaluar ku Malko është personi që ne video duket se tërheq viktimën.
Pista kryesore e hetimit është ajo e vrasjes për hakmarrje për shkak të implikimit të 26-vjeçarit në disa ngjarje kriminale.
Dy automjetet e viktimës dhe autorëve janë dërguar në drejtorinë e policisë së Tiranës ku ekspertët janë duke i kqyrur për të gjetur gjurmë që mund ti ndihmojnë per drejt zbardhjes së ngjarjes.
Në automjetin e djegur autorët kanë lënë edhe armën e krimit. Ndërsa viktima mesohet se nuk kishte arme me vete por vetem celularin i cili është sekuestruar.
Gjithashtu ngjarja është fokusuar edhe nga kamerat e sigurisë se lavazhit por dhe të kompanisë Aleat por ekspertet kanë sekuetruar edhe kamerat përgjatë gjithë itinerarit që dyshohet se kanë pershkruar autorët apo edhe viktima per të zbardhur dinamikën.
