Komisioni i Ekonomisë ka rrëzuar dekretin e presidentit Ilir Meta për privatizimet. Ky dekret u rrëzua nga votat e mazhorancës, ndërsa ai tani do të kalojë për shqyrtim në Kuvend.
Bëhet fjalë për Ligjin për Privatizimin dhe Dhënien në Përdorim të Shoqërive Tregtare dhe Institucioneve Shtetërore të Ndërmarrjeve apo Objekteve të Veçanta, mjeteve kryesore dhe mjeteve të xhiros së këtyre ndërmarrjeve, miratuar me Ligjin 9967, datë 24.7.2008 dhe ndryshuar me Ligjin 3/2015.
Gjithashtu është rrëzuar edhe dekreti që kërkonte ridiskutimin e Ligjit për për koncensionet dhe Partneritetin Publik-Privat në diskutim janë dekretet për dy kontratat koncesionare për ndërtimin nga Gjikuria shpk si koncensionari, për projektimin, ndërtimin dhe mirëmbajtjen e rrugës “Porti i Jahteve By-pass Orikum-Dukat”.
Si dhe dekreti për refuzimin e kontratës së koncensionit/PPP ndërmjet Ministrisë së Infrastrukturës dhe Energjisë, si autoritet kontraktor, shoqërisë ANK shpk si koncensionarit dhe shoqërisë Bardh Construcsion si shoqëria koncensionare, për projektimin, ndërtimin dhe mirëmbajtjen e segmentit rrugor Milot-Balldren.
Mbledhja është shoqëruar me debate dhe ndërprerje, por mazhioranca duket e vendosur të rrëzojë edhe dy dekretet e tjera të Presidentit Meta.
