Ndërsa kriza politike thellohet, SHBA sjell në Tiranë një zyrtar të lartë. Drejtori për Europën Qendrore dhe Jugore në Departamentin e Shtetit, David Kostelancik do vizitojë Tiranën këtë javë.
Mësohet se Kostelancik do të ketë takime me liderët kryesorë në vend dhe përfaqësues të forcave politike për zgjidhjen e krizës politike.
Po kështu, të enjtën zyrtari i lartë amerikan pritet të takohet edhe me liderin e opozitës Lulzim Basha.
Kostelancik është një diplomat karriere. Më herët ka qenë edhe pjesë e stafit të ambasadës së SHBA-së në Tiranë.
Deri në korrik ai ka qenë zëvendës ambasador i SHBA në Hungari. Gjithashtu ka mbuluar në DASH marrëdhëniet me Rusinë.