Në kërkim të biznesmenit turk/ Jahti i tij luksoz braktiset në Shëngjin, asnjë gjurmë nga milioneri - Bota Sot
Në kërkim të biznesmenit turk/ Jahti i tij luksoz braktiset në Shëngjin, asnjë gjurmë nga milioneri

Shqipëria

Në kërkim të biznesmenit turk/ Jahti i tij luksoz braktiset në Shëngjin, asnjë gjurmë nga milioneri

Më: 8 shtator 2019 Në ora: 12:51
Sevgin Yavuz

Në bregun e Shëngjinit u spikat një jaht luksoz me një vlerë prej 2 milionë eurosh. Qenë disa peshkatarë ata që vunë re mjetin e braktisur, 13 metra të gjatë, i cili gjendej i ankoruar 12 milje larg portit të Shëngjinit, me motorë të ndezur dhe flamunj të Turqisë.

Pas njoftimit të rojeve bregdetare, brenda jahtit u gjet pasaporta e biznesmenit të njohur turk, 31-vjeçarit Sevgin Yavuz.

Mësohet se ky i fundit u nis për pushime në Adriatik, ndërkohë që ende nuk ka një shpjegim të ndalesës së tij  në Shëngjin dhe të zhdukjes së pronarit apo personave të tjerë që mendohet se kanë qenë në bord me të.

Image

Nga burime të ndryshme bëhet me dijeni se jahti luksoz ishte nisur nga porti i Tivarit, në Malin e Zi. Autoritet përkatëse kanë nisur hetimet për të gjetur biznesmenin turk, shoqëruesit e tij dhe arsyen e braktisjes së mjetit lundrues.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...