PD përgënjeshtron Metën: S’ka pasur kurrë plane për djegien e Kuvendit

Shqipëria

PD përgënjeshtron Metën: S’ka pasur kurrë plane për djegien e Kuvendit

Më: 9 shtator 2019 Në ora: 17:14
Gazmend Bardhi

Sekretari i përgjithshëm i PD-së Gazmend Bardhi ka thënë sot se kjo parti dhe opozita e bashkuar nuk ka pasur kurrë asnjë plan për djegien e institucioneve, pavarësisht se ato nuk përfaqësojnë interesin publik.

“Partia Demokratike dhe opozita e bashkuar nuk ka pasur kurrë asnjë plan për djegien e institucioneve, pavarësisht se ato nuk përfaqësojnë interesin publik, por interesin e një grupi oligarkësh dhe kriminelësh të lidhur me kryeministrin e vendit’, tha ai në një konferencë për media.

Partia Demokratike fton mediat të hapë arkivat e javëve përpara 30 qershorit dhe do të gjejë se opozita dhe kreu i saj, Lulzim Basha, ka denoncuar skenarët e dhunshëm të Edi Ramës, që ka pasur për qëllim t’i përdorë më pas kundër PD dhe opozitës.

 “Partia Demokratike e konsideron komisionin hetimor për shkarkimin e presidentit si një mjet për të mbuluar skandalet e qeverisë ilegjitime të Edi Ramës, ndërsa anëtarët e këtij komisioni, personazhe të dosjeve 184 dhe 339, si bashkëpunëtorë të krimit në vjedhjen e zgjedhjeve lokale dhe parlamentare”, tha ai.

Ndryshe, presidenti Meta gjatë raportimit para komisionit hetimor tha se ka pasur informacione sekrete për djegien e Kuvendit, e cila ishte arsyeja  e anulimit të zgjedhjeve të 30 qershorit.

commentFirst article
Sot mund të lexoni Shfletoni kopertinat