Bie numri i të prekurve nga fruthi - Bota Sot
Bie numri i të prekurve nga fruthi

Shqipëria

Bie numri i të prekurve nga fruthi

Më: 10 shtator 2019 Në ora: 19:06
Ilustrim

Prindërit që kanë arritur t’i regjistrojnë fëmijët në shkollë pa përmbushjen e kriterit për pranimin e vaksinave përkatëse, do të mbajnë përgjegjësi. Kështu tha Ministri i shëndetësisë Venko Filipçe, sipas së cilit Inspektorati shëndetësor është në terren për t’i vërtetuar parregullsitë.

Numri i personave të prekur nga fruthi ka rënë në mënyre drastike, por edhe Ministria e shëndetësisë dhe ajo e Arsimit mbeten në qëndrimin se fëmijët e pavaksinuar të mos regjistrohen në klasë të parë.

Sipas Filipçes, në Shkup përfshirja e vaksinimit me MRP është mbi 99%, ndërkaq në tërë territorin e Maqedonisë së Veriut 95 %.

Ministri i Arsimit, Arbër Ademi që nga fillimi ka përkrahur masën që fëmijët e pavaksinuar të mos mund të regjistrohen në klasë të parë. Sipas Ademit kështu mbrohet imuniteti kolektiv i nxënësve dhe është në përputhje me Ligjin e mbrojtjes shëndetësore.

Që nga fillimi i epidemisë së fruthit deri me 6 qershor janë shënuar gjithsej 1.898 raste. Numri më i madh i të prekurve janë mbi moshën 30 vjeçare, thonë të dhënat e Institutit për Shëndet publik.

Prindërit të cilët nuk pajtohen me këtë masë, gjegjësisht prindërit që nuk duan të vaksinojnë fëmijët e tyre kundër fruthit me MRP, para disa muajsh kanë kërkuar takim me Ministri e shëndetësisë dhe ekspertë të huaj shëndetësor. Me datë 20 dhe 21, të këtij muaji ata kanë organizuar konferencë, ku do të marrin pjesë ekspertë nga fusha e drejtësisë dhe nga e drejta ndërkombëtare. Në këtë konferencë praninë pritet ta konfirmojnë edhe kryeministri Zaev, ministri Venko Filipçe dhe doktorë të tjerë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...