Çfarë hanë shqiptarët, bllokohet 27 ton mish pule me salmonelë i ardhur nga Brazili - Bota Sot
Çfarë hanë shqiptarët, bllokohet 27 ton mish pule me salmonelë i ardhur nga Brazili

Shqipëria

Çfarë hanë shqiptarët, bllokohet 27 ton mish pule me salmonelë i ardhur nga Brazili

Më: 14 shtator 2019 Në ora: 09:26
Ilustrim

Autoriteti Kombëtar i Ushqimit njofton se në Tiranë janë gjobitur 3 subjekte me aktivitet “Supermarket”, nga ku u konstatua: importim i produkteve ushqimore në kundërshtim me ligjin, ushtrim aktiviteti i palicencuar, kushte të papërshtatshme higjeno-sanitare.

Gjithashtu në këto biznese ka pasur mangësi në dokumentacion (gjurmueshmëri, plani HACCP), veprim në kundërshtim me përgjegjësitë e Operatorit të Biznesit, tregtim i produkteve me afat përdorimi të kaluar, si dhe etiketim i produkteve jokonform ligjit.

Në Durrës u ushtrua kontroll në dy ngarkesa me produkte importi, të dyja me origjinë nga Brazili dhe destinacion Shqipërinë , nga ku rezultoi: 27 ton “Fileto pule” me ngarkesë mikrobiologjike (Salmonella app) dhe 19.2 ton “Kafe kokërr e papjekur” me mangësi në dokumentacionin shoqërues (certifikatë veterinare e palëshuar nga autoriteti zyrtar i vendit të origjinës).

Për shkeljet e konstatuara, trupa inspektuese mori masat administrative si në vijim: 9 masa administrative “Gjobë” me vlerën totale 5.25 milion lekë për 3 subjektet,

“Tërheqja e menjëhershme e produktit nga tregu” me destinacion asgjësimin për sasinë prej 480 kg oriz të importuar në kundërshtim me ligjin, si dhe “Kthimi në vendin e origjinës” për 46.2 ton produkte importi të vlerësuar si të pasigurta për konsum human.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...