Konflikti mes prindërve të divorcuar lë pa shkollë vëlla e motër

Shqipëria

Konflikti mes prindërve të divorcuar lë pa shkollë vëlla e motër

Më: 16 shtator 2019 Në ora: 16:43
Foto

Problemet familjare dhe infrastruktura janë shkaqet kryesore që pengojnë arsimimin cilësor të qindra fëmijëve të të gjithë vendin. Fëmijë që për kushtet ekonomike nuk ulen ne bankat e shkollës dhe të tjerë që udhëtojnë deri në 4 orë në këmbë për të mësuar në klasa kolektive.

Konflikti mes prindërve të divorcuar po i lë pa shkollë këtë vit këta dy fëmijë në Fier.

Gazetarja: Pse nuk ke shkuar sot në shkollë?

Djali: Ngaqë nuk ka dërguar mami prokurë.

Shumë të tjerë do ta kenë të mundshme rrugën drejt dijes.

30 fëmijëve nga fshati Backë në Skrapar do tu duhet të ecin mesatarisht katër orë në këmbë çdo ditë për të vijuar shkollën në fshatin Potom.

Janë mbi 15 kilometra distancë mes dy fshatrave ndërsa rruga që duhet të përshkojnë është e vështirë sa që thonë se nuk u lë më fuqi për të mësuar.

Për prindërit veç transportit, shqetësim janë edhe klasat e përbashkëta të cilat thonë se krijojnë shumë paqartësi për fëmijët në të kuptuarin e mësimeve

Edhe shkolla 9 vjeçare e Floqit në Korçë nuk i hapi dyer për nxënësit në ditën e parë të vitit arsimor.

Fëmijët do ta vijojnë 3 km më larg në fshatin Pulahë, pasi në shkollën e tyre vijojnë të jetojnë familjet që tërmeti i 1 qershorit i la pa shtëpi.

Infrastruktura mbetet problem për shumë shkolla në të gjithë vendin.

Ka shkolla pa dritare, tualete dhe kushte minimale për një proces normal mësimor.

commentFirst article
Sot mund të lexoni Shfletoni kopertinat