Bllokimi i Gjykatës së Lartë, Strasburgu pranon padinë e të dënuarit përjetë

Shqipëria

Bllokimi i Gjykatës së Lartë, Strasburgu pranon padinë e të dënuarit përjetë

Më: 16 shtator 2019 Në ora: 23:23
Foto

Gjykata e Strasburgut pranon të shqyrtojë padinë e parë të një shtetasi shqiptar për shkak të mosfunksionimit të Gjykatës së Lartë. Gjykata e Strasburgut ka pranuar aplikimin Nr. 17766/19, të bërë nga Eduard Kola kundër Shqipërisë më 27 Mars 2019.

Personi që ka paditur Shqipërinë në Strasburg është dënuar me burg të përjetshëm për vrasje dhe mbahet në burgun e Krujës.

Pas shqyrtimit të rastit dhe pranimit të çështjes për shqyrtim, Strasburgu i ka adresuar disa pyetje shtetit shqiptar.

Një nga pyetjet e drejtuara ndaj shtetit shqiptar është: A u shkel e drejta e ankuesit për shkak të mosfunksionimit të Gjykatës së Lartë?

Gjykata e Strasburgut i kërkon qeverisë shqiptare të japë një datë të mundshme për shqyrtimin e rastit.

Gjykata e Lartë mbeti me trupë të pamjaftueshme për shqyrtimin e çështjeve për shkak të mbarimit të mandatit të anëtarëve dhe shkarkimeve nga vetingu.

Arkiva e Gjykatës së Lartë është tejmbushur nga 20 mijë dosje që presin për t’u gjykuar.

commentFirst article
Sot mund të lexoni Shfletoni kopertinat