Hapja e negociatave për Shqipërinë, Donald Tusk pritet nga Edi Rama - Bota Sot
Hapja e negociatave për Shqipërinë, Donald Tusk pritet nga Edi Rama

Shqipëria

Hapja e negociatave për Shqipërinë, Donald Tusk pritet nga Edi Rama

Më: 17 shtator 2019 Në ora: 09:42
Donald Tusk

Presidenti i Këshillit të Evropës, Donald Tusk, sot do të vizitojë Tiranën. Kjo vizitë vjen në kuadër të turit për hapjen e negociatave me Shqipërinë dhe Maqedoninë e Veriut.

Sipas agjendës zyrtare, Donald Tuskdo të takojë kryeministrin Edi Rama në orën 15:00, ku në fokus do të jetë vendimi i pritshëm për hapjen e negociatave më 18 tetor.

Tusk do të jetë edhe i pari zyrtarë që do të japë lajmin për vendimin që do të merret për hapjen e negociatave në tetor. Pas takimit me kreun e qeverisë Rama, në 15:35, kreu i KiE do të mbajë një konferencë për mediat në 15:35 me kryeministrin.

Ditën e sotme një deklaratë për hapjen e negociatave bëri edhe Ambasadori i BE në Tiranë, Luigi Soreca, i cili tha se shpreson se shumë shpejt Shqipëria do të marri lajmin e mirë për nisjen e negociatave për t’u pranuar në familjen evropiane.

Po kështu në një intervistë të mëhershme për mediat malazeze, komisioneri evropian për Zgjerimin, në largim, Johanes Hahn shprehet se Shqipëria dhe Maqedonia e Veriut e meritojnë hapjen e negociatave të anëtarësimit.

Për Shqipërinë, Hahn vlerësoi veçanërisht përparimin që është bërë me reformën në drejtësi, të cilën sipas tij Brukseli duhet ta shpërblejë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...