Një person humbi jetën dhe dy të tjerë mbetën të plagosur si pasojë e një aksidenti rrugor në fshatin Mafsheq të Krujës.
Mjeti me targa AA 658 BO doli nga rruga dhe ra nga një lartësi e madhe dhe për pasojë humbi jetën 52- vjeçari Q.B., të plagosur mbetën 32-vjeçari E.Z. dhe 56-vjeçari B.K.
Pakujdesia e treguar nga ana e drejtuesit të mjetit dyshohet të jetë bërë shkak i ngjarjes së rëndë.
Drejtuesi i mjetit ka tentuar të kalojë në një rrugë të vështirë në malësinë e Qafë Shtamës, por mjeti është rrokullisur dhe ka rënë disa metra poshtë aksit nacional.
