Lezhë, i ndau të motrën, 32-vjeçari përplas për vdekje ish-dhëndrin - Bota Sot
Lezhë, i ndau të motrën, 32-vjeçari përplas për vdekje ish-dhëndrin

Shqipëria

Lezhë, i ndau të motrën, 32-vjeçari përplas për vdekje ish-dhëndrin

Më: 21 shtator 2019 Në ora: 22:13
Foto ilustruese

Një aksident me pasojë vdekjen e një personi ka ndodhur në Lezhë. Ngjarja ka ndodhur rreth orës 08:30 të mëngjesit, ku një makinë që drejtohej nga shtetasi A.K 32 vjeç ka përplasur shtetasin  Ylli Menën që po lëvizte me biçikletë në rrugë dhe është larguar nga vendngjarja.

"Në përfundim të veprimeve hetimore ka rezultuar se autor i dyshuar është shtetasi A.K. 32 vjeç, banues në Mamurras, dhe dyshohet se e ka aksidentuar shtetasin Y.M. me dashje për shkak të një konflikti të mëparshëm mes tyre".

Mësohet se viktima kishte për nuse motrën e autorit dhe ishin ndarë pak kohë më parë. Kjo ka sjellë edhe konfliktin mes krushqive.

Shtetasi i dëmtuar Ylli Mena ka ndërruar jetë në spital, ndërsa autori i dyshuar shtetasi A.K. është shpallur në kërkim dhe punohet për kapjen e tij.

Materialet procedurale janë referuar pranë Prokurorisë së Rrethit Gjyqësor Lezhë për veprime të mëtejshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...