Një shqiptar është arratisur nga burgu në Campobasso të Italisë ku po vuante dënimin për vrasje.
Sipas medias italiane, 45-vjeçari është një person i rrezikshëm dhe kishte dalë nga burgu një ditë më parë, pasi kishte marrë leje.
Ai i ka kaluar orët e lejes dhe nuk është paraqitur më në burg. Pasi shqiptari nuk u kthye më, policët italianë kanë ngritur post-blloqe në mbarë territorin e provincës, kurse kanë vënë në dijeni edhe kolegët e tyre në provinca të tjera të Italisë.
Akoma nuk dihet sesi ka ndodhur arratisja. Hetuesit dyshojnë se ai mund të jetë ndihmuar nga bashkëpunëtorë, jashtë burgut.
Tashmë fotografia e burrit shqiptar është shpërndarë kudo dhe ai po kërkohet për të vuajtur dënimin.