Diskutimet në parlament, qeveria holandeze kundër hapjes së negociatave për Shqipërinë - Bota Sot
Diskutimet në parlament, qeveria holandeze kundër hapjes së negociatave për Shqipërinë

Shqipëria

Diskutimet në parlament, qeveria holandeze kundër hapjes së negociatave për Shqipërinë

Më: 8 tetor 2019 Në ora: 23:03
Parlamenti holandez

Ministri i Punëve te Jashtme të Holandës, Stef Blok ka deklaruar se qeveria holandeze konsideron se nuk duhen hapur negociatat e anëtarësimit në Bashkimin Europian me Shqipërinë.

Këtë deklaratë ai ka bërë në komisionin parlamentar për çështjet europiane të Parlamentit holandez, i pyetur nga deputetë, nëse duheshin hapur negociatat e anëtarësimit me Shqipërinë ose jo.

Blok nuk e ka shtjelluar përgjigjen e tij, duke lenë të paqartë nëse Holanda do të vendosë veton për Shqipërinë në takimin e ministrave të Punëve të Jashtme në 15 Tetor apo samitin e liderëve europianë në 18 Tetor.

Por ai ka bërë të kuptohet se qëndrimi i qeverisë holandeze mbetet i pandryshuar. Qeveria holandeze ka konfirmuar kështu mbajtjen në fuqi të mocionit të Parlamentit holandez kundër hapjes së negociatave të anëtarësimit me Shqipërinë të aprovuar në Qershor të këtij viti.

Shfaq komentet
comments powered by Disqus
Sot mund të lexoni Shfletoni kopertinat