Kryeministri Rama dhe kreu i qeverisë së Maqedonisë së Veriut Zoran Zaev, kanë mbërritur këtë të mërkurë në Serbi, ku do të zhvillohet një takim mes tyre dhe Presidentit serb Vuçiç.
Rama është pritur në aeroportin “Nikola Tesla” nga Ministrja e Integrimit Europian Jadranka Joksimovic. Ftesa ndaj dy kryeministrave ka ardhur nga Vuçiç, ndërsa takimi do të mbahet ditën e nesërme në Novi Sad.
Fokusi i takimit trepalësh do të jetë një “shengen” i vogël ballkanik, me qëllimin integrimin e tregjeve në rajon, heqjen e pengesave doganore si dhe lëvizjen e lirë të qytetarëve në Ballkan.
