Zyrtari i DASH, David Kostelancik tha në Forumin e Sigurisë në Beograd se SHBA mbështet hapjen e negociatave për Shqipërinë dhe Maqedoninë e Veriut në BE.
“SHBA mbështet fuqimisht hapjen e negociatave të pranimit për Shqipërinë dhe Maqedoninë e Veriut,”-tha ai.
Kostelancik shtoi se Amerika po i kushton vëmendje politike dhe ekonomike rajonit të Ballkanit Perëndimor.
“Një Ballkan Perëndimor më i fortë do të thotë partneritet më i fortë i BE dhe Euro-Atlantik. Ne jemi të interesuar për sundimin e ligjit, lirinë e mediave dhe luftën kundër korrupsionit në këtë rajon,”-shtoi ai.
