Ministri i Jashtëm i Shqipërisë, Gent Cakaj është takuar me Victoria Nuland, ish Ndihmës Sekretare e Shtetit për Çështjet Evropiane dhe Euro Azisë në administratën e Presidentit Obama dhe Michael Granoff, Kryetar i Bordit të Fondacionit Shqiptaro – Amerikan për Zhvillim.
Cakaj e ka bërë këtë të ditur përmes një postimi në Facebook ku ka thënë se me AADF kemi jetësuar projektin YPSILON përmes të cilit do të digjitalizohet gjithë dokumentacioni historik e arkiva e Ministrisë për Evropën dhe Punët e Jashtme.
Ja postimi i Cakaj:
Një bashkëbisedim i frytshëm me dy miq të pakursyer të Shqipërisë, Victoria Nuland, ish Ndihmës Sekretare e Shtetit për Çështjet Evropiane dhe Euro Azisë në administratën e Presidentit Obama dhe Michael Granoff, Kryetar i Bordit të Fondacionit Shqiptaro – Amerikan për Zhvillim (AADF).
Me AADF kemi jetësuar projektin YPSILON përmes të cilit do të digjitalizohet gjithë dokumentacioni historik e arkiva e Ministrisë për Evropën dhe Punët e Jashtme.
Digjitalizimi i pasurive arkivore të MEPJ-së do lehtësojë qasjen e shtojë vetëdijen për historinë e diplomacisë shqiptare në përgjithësi.