Koncesionet për sterilizimin kalojnë parashikimet/ Buxheti i shtetit, 5 milionë euro borxh kompanisë

Shqipëria

Koncesionet për sterilizimin kalojnë parashikimet/ Buxheti i shtetit, 5 milionë euro borxh kompanisë

Më: 20 tetor 2019 Në ora: 16:32
Ilustrim

Shpenzimet e Kontratës Koncesionare për sterilizimin e pajisjeve mjekësore kirurgjikale kanë dalë jashtë çdo parashikimi vlerëson kontrolli i lartë i shtetit. Në 2018-n koncesionari ka faturuar rreth 17 milion euro, nga afro 10 milion euro që ishin parashikuar në fillim të vitit. Por jo të gjitha paratë e faturuara janë paguar nga Ministria e Shëndetësisë.

Tejkalimi i shpenzimeve ka bërë që në fund të 2018 buxheti i shtetit t’i ketë një borxh prej rreth 5 milionë euro kompanisë koncesinare, thotë kontrolli i lartë i shtetit. Ndërkohë nuk ka një përcaktim të detajuar për përdorimin e paketave për çdo lloj operacioni kirurgjikal, dhe çfarë pajisjesh duhet të këtë kjo paketë.

Krahasuar me 2017 fatura e koncesionit të sterilizimit gati është dyfishuar. Kontrata është nënshkruar pa tavan të sipërm kostoje. Si rezultat, pagesat e buxhetit për këtë shërbim janë rritur me ritme të vrullshme nga viti në vit duke vënë në vështirësi financat e fondit të sigurimeve.

Në këto kushte, Ministria e Shëndetësisë urdhëroi spitalet publike të ndërmerrnin një masë ekstreme, kufizimin e numrit të ndërhyrjeve kirurgjikale dhe shtyrjen e operacioneve duke i lënë pacientët në pritje.

Nga ana tjetër kontrata e koncesionit, është hartuar në kushte favorizuese vetëm për koncesionarin, shton KLSh, duke filluar që nga çmimet e paketave, mënyrën si monitorohet dhe si financohet, e deri si zgjidhen mosmarrëveshjet.

Para vitit 2015, sterilizimi i pajisjeve kirugjikale është kryer nga vetë spitalet shtetërore. Por pas këtij viti, qeveria ja dha këtë shërbim me koncesion për një afat 10 vjeçar kompanisë Sani Service.

commentFirst article
Sot mund të lexoni Shfletoni kopertinat