Piktori i shquar Avni Delvina nga studio e emisionit “Tempora” shfaqi publikisht simpatinë për ish-kryeministrin Sali Berisha.
Ai tha se këtë simpati ka pasur edhe nëna e tij e ndjerë, e cila mendonte se Berisha ishte i vetmi që mund të përballonte “ata”.
Sonila Meço: Edi Rama për ju është i majtë?
Avni Delvina: Nuk kam ndonjë opinion të qartë për Edi ramën, besoj edhe ju vetë nuk e keni.
Sonila Meço: Sali Berisha është i djathtë?
Avni Delvina: Në pozicionin dhe historinë shqiptare është munduar me mundësitë e tij të mbi ekzistojë në këtë drejtim. Sigurisht brenda një kufiri të caktuar. Nuk e quaj veten të paanshëm. Kam një simpati historike ndaj doktorit edhe nëna ime e ka shumë simpati. Dikur e kritikonim, mamaja ime ka qenë një grua kurajoze dhe në Itali kur po e kritikonim me disa miq na tha mos e kritikoni Sali Berishën është i vetmi që mund të përballet me ata. Kush janë ata edhe ti mund të fantazosh.