Nga Kruja kryetari i PD Lulzim Basha komentoi vendimin e sotëm të Prokurorisë për ta marrë si të pandehur nën akuzën e falsifikimit të dokumenteve.
Sipas Bashës, 90% e gënjeshtrës të montuar nga mazhoranca, u çmontua sot. Ndërsa shtoi se 10% do të çmontohet në gjykatë.
"90% e gënjeshtrës sot është çmontuar para shqiptarëve. Dhe atë 10% do ta çmontojmë në gjykatë, vetëm përmes të së vërtetës. Na akuzuan për agjentë rusë, për pastrim parash. 90% ka rënë, edhe 10% do ta çmontojmë. Lidhjet me rusët i ka vëllai i presidentit më të dashur rus në Ballkan", tha Basha.