BOOM ishte sot në Durrës, një ditë pas tërmetit që dëmtoi rëndë qytetin.
Brenda rrënojave të "Tropikal 3" u gjetën të pajetë dy vëllezërit kosovarë nga Gjilani.
Veç dëmeve në njerëz dhe atyre materiale, panik ka edhe ndër banorët që kanë mbijetuar.
Banorët e një pallati që tërmeti e dëmtoi nga gjysma e poshtë duke hapur zgavra janë nën ankth.
"Janë dëmtuar banesat, kam tre djem. Kolona thonë që s'ka problem, por tullat kanë rënë. Mbrëmë djali i madh mori shtëpi me qira, dy të tjerët fjetën në makina. Nuk kam si të iki, kam shtëpitë këtu."
"Kam frikë, por jemi pa rroba dhe asgjë. Shtëpinë e kam në katin e nëntë."
"Më duhet të marr gjërat për fëmijët."
"Janë prishur muret e mesme, mbrëmë fjeta te kunati."
"Janë bërë fëmijët me stres, nuk hyjnë brenda në shtëpi."
