Një tërmet katastrofik me magnitudë 6.4 të shkallës Rihter, goditi vendin mëngjesin e ditës së djeshme.
Mësohet se nga tërmeti kanë humbur jetën 30 persona.
Nuk ka munguar solidariteti në lidhje me tragjedinë që i ndodhi Shqipërisë.
Pranë tyre kanë shkuar edhe çifti i njohur i shoubizit shqiptar, Bes Kallaku dhe Xhensila Myrtezaj.
Siç shihet në video, Besi ka hequr këpucët e tij dhe ja ka dhuruar njërit prej të prekurve nga tërmeti.
E prekur nga gjendja e tyre ka mbetur edhe Xhensila e cila gjatë takimit me të prekurit nga tërmeti është përlotur.
“Në prani të dhimbjes me familjet e prekura nga tërmeti. Secili sipas mundësisë ti gjendet pranë kujt mundet e si të mundet”, ka shkruar Xhensila në një postim në rrjetet sociale.