Kryeministri i Shqipërisë Edi Rama është treguar i ashpër me të gjithë portalet kur thotë se “do të jem i detyruar të ndërhyj forcërisht për mbylljen e tyre “, në rast shpërndarje të informacionit të rremë dhe që përhap panik pas situatës së rëndë me tërmetet.
“Në këtë situatë të jashtëzakonshme, ku duhet matur çdo fjalë është e pa tolerueshme që të publikohen sharlatanizma delirantësh vendas a të huaj apo të shtrembërohen, sipas avazit të zakonshëm, prononcimet e shpjegimet e arsyeshme të ekspertëve! STOP DHE STOP TANI! MENJËHERË!!!”, shkruan Rama.
Postimi në Twitter pa ndërhyrje:
Paralajmëroj për herë të fundit portalet e kanalet e informimit se nê kushtet dhe kuadrin ligjor te Gjendjes së Jashtezakonshme, do jem i detyruar te nderhyj forcerisht per mbylljen e tyre deri ne fund te kesaj faze dramatike, nese vazhdojne me lajme te rreme qe hapin panik!
Në këtë situatë të jashtëzakonshme, ku duhet matur çdo fjalë është e patolerueshme që të publikohen sharlatanizma delirantësh vendas a të huaj apo të shtrembërohen, sipas avazit të zakonshëm, prononcimet e shpjegimet e arsyeshme të ekspertëve! STOP DHE STOP TANI! MENJËHERË!!!
