Kryetari i Grupit Parlamentar të Partisë Socialiste Taulant Balla i shoqëruar nga deputeti Alket Hyseni dhe kryetari i Bashkisë Rakip Suli, ishte sot në Kamëz për të parë nga afër gjendjen e banesave të dëmtuara nga tërmeti i mëngjesit të 26 nëntorit që goditi vendin.
Përmes një postimi në rrjetin social facebook, numri dy i PS-së, Balla thekson se vijon puna në terren për inspektimin e banesave të dëmtuara nga tërmeti i 26 nëntorit, dhe se brenda javës fillon ndërtimi i 24 banesave të reja për familjet e dëmtuara nga tërmeti i 21 shtatorit.
Postimi i plotë i Taulant Ballës:
Kamëz: Vijon inspektimi i banesave të dëmtuara nga tërmeti i 26 Nëntorit edhe në Bashkinë Kamëz. Bashkë me Kryetarin e Bashkisë Rakip Suli dhe deputetë ishim në disa zona të prekura. Ndërkohë fillon brenda javës ndërtimi i 24 banesave të reja për familjet e dëmtuara nga tërmeti i 21 Shtatorit.
#TiNukDoJeshKurrëVetëm
#ShqipëriSolidare.
