Presidenti i Republikës po hedh shortin për zgjedhjen e Këshillit të Emërimeve në Drejtësi, pas përfundimit të afatit të këshillit ekzistues që drejtohet nga Ardian Dvorani.
Procesi po zhvillohet live dhe nën monitorimin e Avokatit të Popullit dhe Ambasadorëve.
Rezultatet e tij do të bëhen publike në faqen zyrtare të Presidencës.
Më herët Presidenti Meta është shprehur se pas fillimit të funksionimit të KED-së së re, do ta ndjekë me shumë rigorozitet gjithë veprimtarinë e saj, për të mos lejuar më asnjë devijim nga parimet dhe dispozitat kushtetuese dhe të ligjit për të mbrojtur integritetin e mëtejshëm të gjithë procesit për ngritjen dhe funksionimit e plotë të Gjykatës Kushtetuese.