Analisti Neritan Sejamini, i ftuar në Open në Top Channel u shpreh kritik ndaj qeverisë për menaxhimin e situatës pas tërmetit.
“Ne mund të vazhdojmë të flasim pafund emocionalisht duke thënë që kishim solidaritet, ishim vëllezër dhe motra, por qeveria dështoi në emergjencat civile. Emergjencat civile që nuk kishin helmeta për të mbrojtur veten e vet. Në fillim nuk shkoi shteti por shkuan kompanitë privatë të oligarkëve. Ne kemi një shtet feudal, ku një udhëheqës i merr përsipër gjithçka, si në fshatrat ku kryeplaku i fshatit kujdeset për gjithçka. Të huajt erdhën me pajisje dhe na treguan si punohet në emergjenca civile”, tha Sejamini.
