Ministri në Detyrë për Europën dhe Punët e Jashtme, Gent Cakaj, gjatë qëndrimit në Bratislavë ka zhvilluar një takim me zëvendëssekretarin e Përgjithshëm të NATO-s, Mircea Geoana.
Cakaj ka bërë të ditur se gjatë takimit me Geoanan kanë ndarë pikëpamje të njëjta lidhur me kontributin e NATO-s në stabilizimin dhe zhvillimin të rajonit dhe kontributin ushtarak e teknik të Shqipërisë në NATO.
“Theksuam edhe njëherë përkushtimin për arritje të objektivit dy për-qind në shpenzimet e mbrojtjes deri në 2024”.
“Po ashtu, biseduam për prioritetet e Shqipërisë gjatë Kryesisë së OSBE-së dhe nevojën për vazhdim të komunikimit të shkëlqyer në shërbim të vlerave e interesave të përbashkëta”.
Më poshtë mund ta lexoni shkrimin e plotë të tij:
Gjatë qëndrimit në Bratislavë zhvilluam edhe një takim me Zëvendës Sekretarin e Përgjithshëm të NATO-s, z. Mircea Geoana ?!
Ndamë pikëpamje të njëjta lidhur me kontributin e NATO-s në stabilizimin e zhvillimin e rajonit dhe kontributin ushtarak e teknik të Shqipërisë në NATO. Theksuam edhe njëherë përkushtimin për arritje të objektivit 2% në shpenzimet e mbrojtjes deri në 2024.
Po ashtu, biseduam për prioritetet e Shqipërisë gjatë Kryesisë së OSBE-së dhe nevojën për vazhdim të komunikimit të shkëlqyer në shërbim të vlerave e interesave të përbashkëta ✌!