Partia Demokratike përmes një shkrese dërguar prokurorisë kërkoi verifikimin e kryebashkiakut të Mallakastrës të dalë nga radhët e PS-së, Qerim Ismailaj.
Sipas PD-së Qerim Ismailaj, ndodhet në kushtet e ndalimit për të kandiduar dhe për t’u zgjedhur në një funksion të lartë publik, për shkak se dyshohet se ka qenë i arrestuar apo ndaluar në Greqi dhe se në periudhën 1999-2000 ndaj tij është marrë masa e dënimit dhe dëbimit nga autoritetet përgjegjëse greke.
Por në lidhje me këtë kërkesë reagoi edhe vetë kryebashkiaku Ismailaj.
Ai mohoi arrestimin apo dënimin në shtetin grek, duke u shprehur i hapur për çdo lloj verifikimi.
“Jam i hapur për çdo verifikimi.
S’kam asnjë lloj dijenie për kërkesën e PD-së.
Kam dorëzuar formularin e dekriminalizimit. Në 199 kam filluar punë si mësues. Kam qenë në Greqi për çështje familjare”, tha ai.
Ai u shpreh se në asnjë rast nuk ka qenë i ndaluar në Greqi.
Kam motrën në Greqi dhe ajo ka pasur disa probleme familjare. Isha para dy javësh atje.