Pandeli Majko replikon me udhëheqësin suprem të Iranit që përçmoi Shqipërinë - Bota Sot
Pandeli Majko replikon me udhëheqësin suprem të Iranit që përçmoi Shqipërinë

Shqipëria

Pandeli Majko replikon me udhëheqësin suprem të Iranit që përçmoi Shqipërinë

Më: 8 janar 2020 Në ora: 17:36
Pandeli Majko

Ndonëse thotë se shqiptarët duhet t’i kushtojnë më shumë vëmendje tensioneve në Lindjen e Mesme, ish-ministri i Mbrojtjes, Pandeli Majko nuk mendon se Shqipëria është e rrezikuar nga konflikti SHBA-Iran.

Në Shqipëri strehohen më shumë se 3000 anëtarë të opozitës iraniane, por Majko nuk e sheh të mundur që vendi ynë të rrezikohet.

I ftuar në emisionin “Top Talk” në Top Channel, ish-ministri theksoi se kalimi i konfliktit nga Lindja e Mesme në Evropë do të sillte probleme për Iranin.

“Kalimi nga Lindja e Mesme në Evropë sjell më shumë probleme për ta. Në Lindjen e Mesme tjetër thuhet, tjetër mendohet e tjetër bëhet”, u shpreh Majko.

Më herët gjatë ditës, Ali Khamenei deklaroi se: “Në një vend evropian, në një vend shumë të vogël evropian, por shumë i lig, ka disa elementë amerikanë me disa tradhtarë iranianë. Ata u bën bashkë për të komplotuar kundër Republikës Islamike.”

Sa i përket situatës Iran-SHBA, Pandeli Majko deklaroi se “ajo që po ndodh tani duket si përplasje, por do jetë histori konflikti tepër e gjatë”, ndërsa Teheranin e konsideroi një xhandar rajonal që prodhon impakt shumë negativ.

Tensioni midis SHBA dhe Iranit u rrit na maksimum me vrasjen e gjeneralit iranian, Qassem Soleimani.

Shfaq komentet
comments powered by Disqus
Sot mund të lexoni Shfletoni kopertinat