Në 8 maj Universitetet do të zgjedhin drejtuesit e rinj. Ministrja e Arsimit, Besa Shahini, tha se kandidatët duhet të jenë me integritet të lartë akademik, ndaj kërkoi nga këshillat e etikës që të kryejnë kontroll të titujve akademikë dhe gradave shkencore.
Shahni njoftoi se së shpejti do të rihapet cikli i tretë i studimeve, atyre doktorale. Për programet e reja universitetet duhet të aplikojnë pranë Ministrisë brenda datës 15 shkurt, ndërsa programet ekzistuese duhet të riorganizohen sipas ligjit për arsimin e lartë.
Ministrja u ndal edhe tek situata në Universitetin e Tiranës për të cilin akuzoi drejtuesit se refuzojnë të zbatojnë ligjin dhe të bashkëpunojnë me njëri-tjetrin, duke krijuar vështirësi në funksionimin e këtij institucioni.
