Prokuroria e Tiranës dhe policia kanë dalë në një deklaratë për shtyp në lidhje me personat e arrestuar për tërmetin e 26 nëntorit.
Elisabeta Imeraj është shprehur se prokuroria ka disa drejtime për të identifikuar personat e përfshirë në evidentimin e fakteve nëse drejtuesit apo kontraktorët kanë zbatuar rregullat për ndërtimet, si dhe për lejet e paligjshme të dhëna.
Gjithashtu janë hetuar dokumentat e objekteve nëse ka pasur pa rregullsi, ku shkeljet kryesore janë falsifikimet.
Deri më tani bëhet me dije se janë arrestuar 31 persona.
Funksionarët e ish komunave kanë miratuar leje ndërtimi në kundërshtim me ligjin.
Detajet në lidhje me këto arrestime janë publikuar ekskluzivisht nga Top Channel ditën e djeshme.
