Pas marrëveshjes mazhorancë-qeveri për reformën zgjedhore debati dhe pyetja që lind është a do të ketë zgjedhje të parakohshme. Në studion e emisionit "Arena" nga Dritan Hila në RTV Ora, gazetari Roland Qafoku thotë se matematikisht, nuk ka kohë për zgjedhje të parakohshme.
Por Marko Bello tha se zgjedhjet e parakohshme mund të provokohen nga vetë kryeministri Edi Rama.
Roland Qafoku: Unë them që në këto momente parlamenti do shkojë si do shkojë, zgjedhje të parakohshme parlamentare për mua nuk shikoj të ketë.
Marko Bello: Po pse me këtë parlament do të shkohet edhe pas dy vjet.
Roland Qafoku: Jo dy vjet, edhe një vit. Kur mbaron reforma?
Marko Bello: Në 15 mars e ka afatin
Roland Qafoku: Zoti Hila tha që Rama do ta zgjasi
Dritan Hila: Nëse është afati 15 mars, ai nuk bën dot zgjedhje para 6 muajve, dmth automatikisht i bie ti bëjë në tetor zgjedhjet. Atëherë ç'bëri në tetor pa drita, ç'bëri në qershor me drita.
Roland Qafoku: Unë jam dakord me këtë. Llogari matematikore për zgjedhje të parakohshme nuk ka.
Marko Bello: Mund ti provokojë vetë Rama zgjedhjet.
Dritan Hila: Ish-përfaqësues të opozitës kanë thënë që zgjedhje të parakohshme nuk do ketë, që nuk mund ti akuzosh që po flirtojnë me Ramën.