I ftuar në emisionin “Arena”, analisti Aleksandër Çipa ka thënë se të gjitha palët e ulur në tryezë një ditë më parë, kanë harruar reformën zgjedhore, dhe nuk merren më me të.
Aleksander Çipa: Nëse i shikojmë me kujdes, të gjithë aktorët e tryezës mikese, nuk e përmendën më reformën zgjedhore, por përdornin emërtimin ligji zgjedhor i rregulluar. Do të thotë që kjo ekspozon vullnetin e të dy palëve, që jo vetëm që nuk e kanë në axhendë ndryshimin e sistemit zgjedhor, dhe nuk bëhet fjalë për një reform rrënjësore, sepse edhe në pikëpamjen kohore nuk ka më kohë për një reform zgjedhore.