Gjykata e Shkallës së Parë në Gjirokastër dënoi sot me burgim të përjetshëm Apostol Kostën, 76 vjeçarin nga Gjirokastra i cili në tetor të 2017 ekzekutoi me automatik Aleko dhe Aferdita Kostën në banesën e këtyre të fundit.
Trupi gjykues i përbërë nga Mirela Iliopulli, Enkelejda Doda dhe me kryesues Arben Dostin, pasi ka dëgjuar pretencën e dhënë nga ana e prokurorit Emror Kasaj, i cili kërkonte burgim të përjetshëm për Kostën, ka mbështetur terësisht të gjitha aktet e vëna në dispozicion të gjykatës dhe përfundimisht e ka dënuar me burgim të përjetshëm Apostol Kostën.
Procesin gjyqësor fillimisht e morën për shqyrtim Krimet e Rënda në kryeqytet dhe më pas ja përcolli për gjykim Gjykatës së Shkallës së Parë në Gjirokastër.