Ambasadorja e SHBA-së në Tiranë, Yuri Kim, ka zhvilluar një takim ditën e djeshme me Ministren e Shëndetësisë Ogerta Manastirliu, së cilës i ka kërkuar në veçanti që Shqipëria duhet t’i kushtojë rëndësi mbrojtjes nga koronavirusi.
Vetë ambasada amerikane në Tiranë ka njoftuar për këtë takim me anë të një postimi në faqen e saj zyrtare në Facebook.
“Gjatë bisedës së saj me Ministren e Shëndetësisë dhe Mbrojtjes Sociale Ogerta Manastirlliu, Ambasadorja e Shteteve të Bashkuara Kim diskutoi rëndësinë e të qenurit vigjilent mbi koronavirusin dhe zbatimin e udhëzimeve të Organizatës Botërore të Shëndetit.
Ato biseduan gjithashtu edhe klimën e kujdesit shëndetësor në Shqipëri si dhe risitë në modernizimin e kujdesit shëndetësor”, nënvizon ambasada.
