Policia ka arrestuar shtetasin me iniciale H.H., i cili një ditë më parë teksa drejtonte makinën e Drejtorisë së Përgjithshme të Burgjeve u përplas me një makinë "benz".
Ndërsa për drejtuesin e "benzit" u referuan materialet në Prokurori.
Aksidenti ndodhi paraditen e djeshme në ku në aksin rrugor Krahës–Tepelenë, në vendin e quajtur Qesarat.
Përplasja ka qenë e fortë dhe si pasojë mjeti i burgjeve përfundoi në një byrektore në anë të rrugës.
Për pasojë një efektiv i angazhuar për shoqërimin e të burgosurve mbeti i plagosur lehtë.
Julian Verboshi u dërgua në spitalin rajonal të Gjirokastrës ku burimet thanë se nuk ka asnjë rrezik për jetën.
Ndërkohë të burgosurit, emrat e të cilëve nuk u bënë të ditur u transportuan me mjete të tjera të drejtorisë së burgjeve.