Pas panikut dhe frikës nga koronavirusi në vendin tonë, reagon edhe kryeministri Rama.
Përmes një statusi në Facebook, Rama shkruan se nuk ka vend për panik dhe duhen ndjekur këshillat e miratuar nga OBSH.
Ai shprehet se deri në këtë moment nuk kemi asnjë rast të prekur me koronavirus.
Rama: Nuk ka vend për panik! Ju lutem ndiqini këto këshilla të thjeshta të miratuara nga organizata botërore e shëndetësisë dhe shmangni sa më shumë telebroçkullat dhe dixhidokrrat që ushqejnë ankthin e panikun. Deri në këtë moment që komunikojmë nuk kemi asnjë rast të koronavirusit, por nëse në ditët a javët në vijim do të duhet ta përballim, jini të sigurt se do ta kalojmë edhe këtë flamë. Së bashku.
