Kjo godinë që shihni është një gjysmë-rrënojë prej të paktën 20 vitesh në periferi të qytetit të Girokastrës. Para të paktën 4 muajsh ky çift të moshuarish endacakë u vendosën këtu për të patur një strehë.
Ata nuk kishin kërkuar më parë ndihmën e askujt por u identifikuan nga shërbimet e patronazhit të bashkisë në terren pas shpalljes së emergjenës së Covid 19.
Të dy të moshuarit që jetojnë në këtë godinë pa asnjë të ardhur, pa energji dhe ujë. Kreu i sektorit të emergjencave në bashki Fatri Brahimi thotë se mbështetja me ushqim gjatë kësaj faze për ta do të vijojë por edhe ai pranon se që problemi i tyre të marrë zgjidhje duhet vlerësuar niveli i paaftësisë dhe minimalisht duhet të ndërhyjnë organet përkatëse për ti identifikuar.
Në bashkinë e Giirokastrës janë me dhjetëra rastet që kanë nevojë për mbështetje por ky rast është vërtetë i pazakontë në llojin e tij.
