Sekretari i Përgjithshëm i Partisë Demokratike, Gazment Bardha ka publikuar një video, sipas të cilit tregohet se në vendin e Teatrit Kombëtar do të ndërtohen kulla.
Duke i quajtur talebane ata që prishën teatrin, Bardhi thotë se duan të grabisin tokën publike.
"Edi Rama, Erion Veliaj, Taulant Balla dhe çeta e tyre e hajdutëve nuk duan një teatër të ri. Ata duan kulla të reja. Talebanët e rilindur duan të grabisin tokën publike për të pastruar paratë që na kanë vjedhur, në mënyrë që të na vjedhin sërish. Duhet të tregojmë sot se ne e meritojmë lirinë, e meritojmë demokracinë dhe jemi të denjë për shoqërinë europiane", shkruan Bardhi.
