Tenderi ushqimeve të ministrisë së Mbrojtjes, ngecin hetimet për shkak të Covid-19

Shqipëria

Tenderi ushqimeve të ministrisë së Mbrojtjes, ngecin hetimet për shkak të Covid-19

Më: 23 maj 2020 Në ora: 20:30
Foto

Hetimet për tënderin e ushqimeve të Ministrisë së Mbrojtjes kanë ngecur pasi përfaqësuesit e firmës maqedonase e kanë të pamundur të paraqiten në prokurori për shkak të mbylljes së kufijve.

Burime nga SPAK kanë bërë me dije për RTV Ora se pas pyetjes së zyrtarëve të Ministrisë së Mbrojtjes, anëtarë të komisionit të tenderave tashmë pritet të pyeten edhe përfaqësuesit e firmës Maqedonase për të dhënë edhe ata variantin e tyre në lidhje me hetimin e nisur.

Por për këtë  hetuesit do të duhet të presion hapjen e kufijve.

Pak ditë me parë Prokuroria e Posaçme Kundër Krimit dhe Korrupsionit ka marrë në pyetje 6 zyrtarë të Ministrisë së Mbrojtjes pas kallëzimit të Partisë Demokratike.

Zyrtarët që u morën në pyetje janë Gëzim Jaçe, Ajet Maksuti, Ervis Feta, Ylli Ymeri, Dafina Meça dhe Adriatik Dapaj.

Mësohet se të gjashtë anëtarë kanë deklaruar se procedura e ndjekur prej tyre për tenderat ka qenë korrekte.

Partia Demokratike dorëzoi në SPAK kallëzim penal me 6 akuza ndaj Ministres të Mbrojtjes, Olta Xhaçka për tenderin e ushqimeve me vlerë 1.5 mln euro, që sipas selisë blu, u fitua pa garë nga një kompani maqedonase e cila nuk kishte si aktivitet të saj mallrat ushqimor po ato kompjuterik.

commentFirst article
Sot mund të lexoni Shfletoni kopertinat