Një rast i ri me koronavirus është konfirmuar në bashkinë Ura Vajgurore në qarkun e Beratit në 24 orët e fundit.
Burime për Abc News bëjnë me dije se rasti i ri është një burrë nga lagjja Barrikadë e Beratit i cili pasi ka shfaqur simptoma ka telefonuar 127.
Ai është dërguar menjëherë në Tiranë, ndërkohë drejtoria e Shëndetit Publik ka marrë masa për të gjetur vatrën e infektimit.
Dyshimet janë se ai mund të jetë infektuar në një spital në Tiranë, ku ka shkuar për të vizituar të shoqen e shtruar për një sëmundje tjetër.